Работы ў калодзежы скончыліся трагедыяй

У Смалявічах пры работах у кабельным калодзежы пацярпелі два электрамантажніка: адзін чалавек загінуў, другі траўміраваны. Прычыны і абставіны няшчаснага выпадку высвятляюцца.

Паводле інфармацыі, размешчанай на сайце Следчага камітэта Рэспублікі Беларусь, два электрамантажніка адной з маладзечанскіх арганізацый рамантавалі абсталяванне ў кабельным калодзежы ў Смалявічах. Падчас мантажу злучальных муфт кабельнай лініі адзін спецыяліст (36 гадоў) атрымаў паразу электрычным токам, ад якой памёр на месцы. Яго калега (31 год) шпіталізаваны і знаходзіцца пад наглядам медыцынскіх работнікаў.

Пасля агляду месца здарэння, апытання відавочцаў, шэрагу праверачных мерапрыемстваў следчыя распачалі крымінальную справу аб парушэнні правілаў аховы працы, што пацягнула па неасцярожнасці смерць чалавека (ч. 2 арт. 306 Крымінальнага кодэкса Рэспублікі Беларусь).

У рамках следства працягваюцца допыты службовых асоб, вывучаецца праектная дакументацыя, інструкцыі па ахове працы і іншыя дакументы, якія тычацца тэхналогіі вытворчасці работ на аб'екце павышанай небяспекі. Да матэрыялаў крымінальнай справы будуць далучаныя вынікі праверкі, праведзенай Дэпартаментам дзяржаўнай інспекцыі працы, заключэнні экспертыз, вытворчасць якіх даручана спецыялістам УДКСЭ па Мінскай вобласці.

    Ю. А. Бяствіцкі, otsz.by

Усе навіны