Адобраны праект Рэкамендацый па фарміраванні тыпавога Пераліку відаў работ, на якіх забараняецца прымяненне працы непаўналетніх у СНД
18-19 красавіка ў Санкт-Пецярбургу праходзіць пасяджэнне Пастаяннай камісіі Міжпарламенцкай Асамблеі дзяржаў Садружнасці Незалежных Дзяржаў па сацыяльнай палітыцы і правах чалавека.
У рамках пасяджэння адобраны праект Рэкамендацый па фарміраванні тыпавога Пераліку відаў работ, на якіх забараняецца прымяненне працы асоб, маладзейшых за васемнаццаць гадоў, з улікам відаў эканамічнай дзейнасці ў дзяржавах СНД. Распрацоўшчыкам з'яўляецца Міністэрства працы і сацыяльнай абароны Рэспублікі Беларусь.
Як расказаў начальнік упраўлення аховы і дзяржаўнай экспертызы ўмоў працы Мінпрацы і сацабароны РБ Іван Карчэўскі, пералік дапоўнены 26 відамі работ (усяго ўключае 247 відаў работ). Сярод іх-свідравыя, верхалазныя, выбуханебяспечныя, падземныя, падводныя зварачныя. Забаронена праца ў замкнёных прасторах, начных клубах, ва ўмовах нізкіх тэмператур, з узбуджальнікамі інфекцыйных захворванняў, з хворымі жывёламі, якая патрабуе нашэння агнястрэльнай зброі і іншыя.
Гэты дакумент мае рэкамендацыйны характар і закліканы садзейнічаць дзяржавам - удзельніцам СНД у падрыхтоўцы сваіх прававых актаў у сферы аховы працы. Канкрэтны пералік і парадак яго прымянення ў частцы забароны (абмежавання) работ або прафесій і пасад устанаўліваюцца заканадаўствам дзяржаў - удзельніц СНД.
Крыніца: сайт Міністэрства працы і сацыяльнай абароны Рэспублікі Беларусь
Усе навіны