Беларусь нацэлена на мір і стварэнне
У мэтах кансалідацыі беларускага народа, умацавання ў грамадстве ідэй міру і стваральнай працы як галоўных умоў развіцця нашай дзяржавы 2023 год аб'яўлены Годам міру і стварэння. Адпаведны Указ № 1 ад 1 студзеня 2023 г. падпісаў Прэзідэнт Рэспублікі Беларусь А. Р. Лукашэнка.
Як паведамляецца на афіцыйным Інтэрнэт-партале Прэзідэнта Рэспублікі Беларусь, ключавымі напрамкамі сёлета будуць удасканаленне сістэмы ваенна-патрыятычнага выхавання, пашырэнне мірных ініцыятыў грамадзян і грамадскасці, садзейнічанне міжканфесійнаму дыялогу, які забяспечвае мір і згоду ў беларускім грамадстве.
Рэалізацыя ключавых напрамкаў дазволіць прадэманстраваць перавагі беларускай эканамічнай мадэлі ва ўмовах глабальнай турбулентнасці, пазіцыяніраваць стваральную працу як галоўную ўмову развіцця дзяржавы. А таксама – умацаваць успрыманне Беларусі як астраўка міру, бясспрэчная каштоўнасць якога для насельніцтва краіны з'яўляецца важкім аргументам у дасягненні згоды па іншых важнейшых пытаннях грамадскага жыцця.
Ю. А. Бяствіцкі, otsz.by
Усе навіны