Аб уключэнні ў стаж для назначэння пенсіі перыядаў ваеннай службы на тэрыторыі Латвійскай і Эстонскай ССР
15 красавіка 2024 г. Прэзідэнтам Рэспублікі Беларусь выдадзены Указ № 149 "Аб сацыяльнай падтрымцы асобных катэгорый грамадзян".
Указам прадугледжваецца права грамадзян, якія пастаянна пражываюць у Рэспубліцы Беларусь, на залік у агульны стаж для назначэння пенсіі ў Рэспубліцы Беларусь перыядаў праходжання ваеннай службы да 1 студзеня 1992 г. на тэрыторыях Латвійскай ССР і Эстонскай ССР. Залік у стаж праводзіцца ў выпадках, калі гэтыя перыяды ваеннай службы не былі ўлічаны пры назначэнні пенсіі ў адпаведнасці з заканадаўствам Латвійскай Рэспублікі і Эстонскай Рэспублікі.
Прыняцце Указа дае магчымасць грамадзянам поўнасцю рэалізаваць пенсіённыя правы, набытыя ў перыяд ваеннай службы ў СССР, і павялічыць памер пенсіі з улікам перыяду ваеннай службы.
Грамадзянам, якія маюць не ўлічаныя ў стаж перыяды ваеннай службы ў Латвійскай і Эстонскай ССР да 1992 года, неабходна звярнуцца ў орган па працы, занятасці і сацыяльнай абароне (па месцы назначэння пенсіі) з заявай аб пераразліку пенсіі.
Як прадугледжана Указам, пераразлік пенсіі ў сувязі з дадатковым уключэннем у стаж перыядаў ваеннай службы будзе ажыццёўлены з 1-га чысла месяца, наступнага за месяцам падачы заявы.
Указ набудзе моц з дня яго афіцыйнага апублікавання.
Усе навіны