МАБІЛЬНАЯ ПРАГРАМА ВЫРАТУЕ ЖЫЦЦЁ
Няшчасныя выпадкі на чыгуначным транспарце, у выніку якіх гінуць або атрымліваюць цяжкія калецтвы людзі, на жаль, з'ява частая. Шматгадовы аналіз сумнай статыстыкі сведчыць: асноўная іх прычына – ігнараванне грамадзянамі элементарных мер бяспекі.
Прафілактычныя акцыі, рэйды, тэматычныя гутаркі ў калектывах ўстаноў адукацыі, арганізацый і на прамысловых прадпрыемствах не заўсёды даюць чаканы эфект.
Разам з тым, як паведамляе сайт Беларускай чыгункі, сітуацыю сёлета карэнным чынам можа пераламаць ноу-хау, заснаванае на выкарыстанні мабільнай праграмы «Сцеражыся цягніка», якая была распрацавана расійскімі чыгуначнікамі па просьбе МУС Рэспублікі Беларусь.
Яго сутнасць простая: даступны мабільны дадатак блакуе ўвесь мэдыякантэнт на смартфоне карыстальніка пры набліжэнні яго да чыгуначных шляхоў, у тым ліку і размовы па мабільным тэлефоне. Трывожны сігнал абвесткі адначасова з блакіраваннем паступіць і на мабільныя тэлефоны бацькоў. Кіраўнікі Беларускай чыгункі, адказныя за ахову працы ў галіне і бяспеку руху, упэўненыя: належная ўвага да мабільнай праграмы з боку бацькоў дазволіць пазбегнуць многіх трагедый падчас школьных летніх вакацый.
Ю. А. Бяствіцкі, otsz.by
Усе навіны