Распалены метал заўсёды небяспечны

Падчас работ па пераплаўленні металалому ў цэху чыгуннага ліцця на адным з прадпрыемстваў Лунінца адбыўся выкід распаленага металу. У выніку здарэння двое рабочых, якія знаходзіліся побач з плавільнай печчу, атрымалі апёкі рознай ступені цяжкасці.

Як паведаміў Теlegram-канал Следчага камітэта Рэспублікі Беларусь, прычынай апёкаў стала пападанне на работнікаў часцінак распаленага металу і ўзгаранне на іх адзення. Пацярпелыя былі дастаўлены ў бальніцу для аказання ім медыцынскай дапамогі.

Следчыя Лунінецкага раённага аддзела Следчага камітэта агледзелі месца здарэння і апыталі відавочцаў, а таксама канфіскавалі дакументацыю па ахове працы на дадзеным участку вытворчасці. У цяперашні час устанаўліваюцца акалічнасці НЗ з прызначэннем судова-медыцынскай экспертызы.

Ю. А. Бяствіцкі, otsz.by

 

Усе навіны