Як забяспечыць бяспечную працу на вышыні?
У арганізацыях ДВА “Мінскбуд” па 30 кастрычніка праходзіць месячнік бяспечнай працы, падчас якога будуць прынятыя дадатковыя меры па прадухіленні вытворчага траўматызму.
Як паведамляе сайт ДВА “Мінскбуд”, падчас месячніка запланавана правядзенне пазачарговых дзён аховы працы і пазапланавых інструктажоў, а таксама рэйдаў па выяўленні работнікаў у стане алкагольнага, наркатычнага або таксічнага ап'янення.
Асаблівая ўвага будзе нададзена рабоце з грамадскімі інспектарамі, ключавая роля якіх у стварэнні абстаноўкі нецярпімасці да парушальнікаў патрабаванняў аховы працы, працоўнай і вытворчай дысцыпліны відавочная.
Яшчэ адна задача – данесці да прадстаўнікоў субпадрадных арганізацый, што стварэнне бяспечных умоў працы абавязковае для ўсіх удзельнікаў будаўнічага працэсу. У ДВА перакананыя: калі ў дагаворах не вызначаныя штрафныя санкцыі за парушэнні норм і правілаў аховы працы, а таксама пажарнай бяспекі, то гэтыя нюансы неабходна адлюстраваць у дадатковых пагадненнях.
З улікам таго, што колькасць выпадкаў вытворчага траўматызму падчас работы на вышыні не зніжаецца, у ДВА “Мінскбуд“ плануецца правядзенне выязнога семінара “Захаванне бяспечных умоў працы пры выкананні работ на вышыні”, а таксама месячніка бяспекі дадзенага віду работ.
Ю. А. Бяствіцкі, otsz.by
Усе навіны