ВЫЙШАЎ ЧАРГОВЫ НУМАР ЧАСОПІСА “АХОВА ПРАЦЫ І САЦЫЯЛЬНАЯ АБАРОНА” (№ 7/2020)
Ліпеньскі нумар часопіса адкрывае артыкул кансультанта аддзела аховы працы ўпраўлення аховы і дзяржаўнай экспертызы ўмоў працы Міністэрства працы і сацыяльнай абароны Рэспублікі Беларусь І. Г. Маршчак, якая каментуе для чытачоў новыя пастановы Мінпрацы і сацабароны, ад рэалізацыі якіх залежыць забеспячэнне здаровых і бяспечных умоў працы.
Кіраўнікам і спецыялістам сельгасарганізацый адрасавана публікацыя пра новыя Тыпавыянормы бясплатнай выдачы СІАработнікам, занятым у сельскай і рыбнай гаспадарцы. Аб асноўных зменах, якія ўнесены ў дакумент, распавядае начальнік аддзела аховы працы, транспартнай і пажарнай бяспекі Міністэрства сельскай гаспадаркі і харчавання Н. А. Гардзіенка.
Пра тое, якія меры неабходна прыняць для забеспячэння бяспекі пры выкананні работ па пракладцы і мантажы кабеляў у траншэях і падземных камунікацыях, ідзе гаворка ў матэрыяле галоўнага спецыяліста аддзела аховы працы і дзяржаўнай экспертызы ўмоў працы камітэта па працы, занятасцi i сацыяльнай абароне Магілёўскага аблвыканкама П. Я. Краўчынскага.
Як вядома Працоўны кодэкс Рэспублікі Беларусь дапоўнены арт. 321 “Часовы перавод”, дзякуючы якому пашыраны магчымасці наймальніка па пераводзе работнікаў на іншую работу, у тым ліку і да іншага наймальніка. Інжынер, член грамадскага аб'яднання “Супольнасьць працоўнага права” У. П. Семіч аналізуе дэталі гэтай працэдуры ў адпаведнасці са зменамі ў заканадаўстве.
Начальнік упраўлення дзяржаўнай экспертызы ўмоў працы і аховы працы камітэта па працы, занятасцi i сацыяльнай абароне Мінскага аблвыканкама А. М. Кавалёва звяртае ўвагу на асаблівасці атэстацыі рабочага месца машыніста халадзільных установак.
У публікацыі “Не памыліцца на вышыні” намеснік начальніка аддзела нагляду за выкананнем заканадаўства аб ахове працы Віцебскага абласнога ўпраўлення Дэпартамента дзяржаўнай інспекцыі працы Міністэрства працы і сацыяльнай абароны Рэспублікі Беларусь С. В. Сухавіла акцэнтуе ўвагу на такім небяспечным вытворчым фактары, як вышыня, і на тым, што няштатныя сітуацыі пры выкананні такіх работ нярэдка ствараюць самі работнікі, не задумваючыся пра ўласную бяспеку.
Аптымізацыя светлавой абстаноўкі і стварэнне на вытворчасці рацыянальнага асвятлення, якое адпавядае тэхнічным і санітарна-гігіенічным нормам,– адна з найважнейшых задач аховы працы. Аб падыходах, якія дазваляюць нармалізаваць вытворчае асвятленне ў арганізацыях з улікам іх спецыфікі, распавядае спецыяліст па ахове працы У. А. Ганчароў.
У нумары працягваецца публікацыя прыкладнага плана мерапрыемстваў, якія дазваляюць мінімізаваць рызыкі, а таксама забяспечыць бяспеку пры вытворчасці спірту і лікёра-гарэлачных вырабаў.
З простымі і даступнымі правіламі прафілактыкі рэспіраторных інфекцый, у тым ліку каронавіруснай, у традыцыйнай рубрыцы “Медыцына працы” знаёмяць чытачоў прадстаўнікі Рэспубліканскага цэнтра аховы працы Міністэрства працы і сацыяльнай абароны Рэспублікі Беларусь і Беларускага дзяржаўнага універсітэта Т. М. Сушынская і В. Э. Сушынскі.
У бясплатным дадатку да часопіса – працяг зборніка “Прававыя асновы фарміравання і арганізацыі дзейнасці студэнцкіх атрадаў у Рэспубліцы Беларусь і аховы працы іх удзельнікаў”.
Ю. А. Бяствіцкі, otsz.by
Усе навіны