Зацверджаны прафстандарты, якія адносяцца да сферы адукацыйных паслуг
Прынята пастанова Міністэрства працы і сацыяльнай абароны Рэспублікі Беларусь 29 снежня 2023 г. № 56 "Аб зацвярджэнні прафесійных стандартаў".
Пастановай № 56 зацверджаны прафесійны стандарт, які адносіцца да сферы адукацыйных паслуг:
«Педагагічная дзейнасць ва ўстановах адукацыі, якія рэалізуюць адукацыйныя праграмы прафесійна-тэхнічнай і сярэдняй спецыяльнай адукацыі».
Даведачна. Прафесійны стандарт – характарыстыка зместу працоўных функцый і патрабаванняў да кваліфікацыі, неабходнай для іх выканання.
На падставе прафесійных стандартаў вызначаюцца найменні прафесій працоўных (пасад служачых), працоўныя функцыі, наяўнасць у работніка адпаведнай кваліфікацыі (артыкулы 1, 19 і 61 Працоўнага кодэкса Рэспублікі Беларусь).
Прафесійны стандарт змяшчае характарыстыку працоўных функцый для 2 пасад служачых:
- выкладчык;
- майстар вытворчага навучання ўстановы адукацыі.
Распрацоўка прафесійнага стандарту ажыццяўлялася пры каардынацыі Сектаральнай рады кваліфікацый пры Міністэрстве адукацыі.
Пастанова № 56 уступае ў сілу з 1 красавіка 2024 г.
Крыніца: сайт Міністэрства працы і сацыяльнай абароны Рэспублікі Беларусь
Усе навіны