Эстафета "Ганаруся роднымі сімваламі" стартавала ў Беларусі

6 мая, Мінск /Кар. БЕЛТА/. Дадзены старт агульнарэспубліканскай эстафеце "Ганаруся роднымі сімваламі", прысвечанай Дню Дзяржаўнага герба, Дзяржаўнага флага і Дзяржаўнага гімна Рэспублікі Беларусь. Аб гэтым паведаміла карэспандэнту БЕЛТА сакратар Цэнтральнага камітэта БРСМ Вераніка Гудкова.

"Падчас эстафеты ва ўсіх рэгіёнах Беларусі будзе арганізавана больш за 250 мерапрыемстваў, уключаючы ўрачыстыя цырымоніі ўручэння маладзёжных білетаў БРСМ, фестывалі, фотаконкурсы, тэматычныя забегі, аўтапрабегі і іншае. Не застанецца ў баку і інтэрнет-прастора: фатаграфіі з дзяржаўнай сімволікай падчас правядзення эстафеты можна публікаваць на асабістых старонках у сацыяльных сетках пад хаштэгамі #Ганарусяроднымiсімваламi, #роднаенароднае, #знаюсвойфлаг, #мойфлаг, #мойсцяг, #мойгімн, #Беларусь", - распавяла Вераніка Гудкова.

Агульнарэспубліканская эстафета "Ганаруся роднымі сімваламі" пройдзе да 12 мая. "Яе асноўная мэта - папулярызацыя Дзяржаўнага герба, Дзяржаўнага флага і Дзяржаўнага гімна Беларусі, прыцягненне ўвагі грамадзян да ролі дзяржсімвалаў у фарміраванні нацыянальнай самасвядомасці і гонару, умацаванне іх пазітыўнага ўспрымання ў грамадстве", - падкрэсліла сакратар ЦК БРСМ.-0-

Крыніца: БЕЛТА 

Усе навіны