Выйшаў чарговы нумар часапіса «Ахова працы і сацыяльная абарона» (№ 2/2019)

Рамонт сельгастэхнікі напярэдадні веснавых палявых работ суправаджаецца высокай рызыкай вытворчага траўматызму. Пра тое, як прадухіліць НЗ, ідзе гаворка ў матэрыяле намесніка начальніка аддзела нагляду за выкананнем заканадаўства аб ахове працы Віцебскага абласнога ўпраўлення Дэпартамента дзяржаўнай інспекцыі працы С. В. Сухавіла.

 

Галоўны спецыяліст аддзела аховы працы і дзяржаўнай экспертызы камітэта па працы, занятасцi i сацыяльнай абароне Магілёўскага аблвыканкама П. Я. Краўчынскі распавядае аб асноўных патрабаваннях бяспекі пры выкананні работ, звязаных з апрацоўкай металаў рэзаннем на мэталаапрацоўчым абсталяванні. Гэтыя работы суправаджаюцца павышаным узроўнем небяспекі, і прыведзеныя патрабаванні актуальныя для многіх прадпрыемстваў.

 

Праца ў лясной гаспадарцы застаецца адной з самых інтэнсіўных і цяжкіх: не выпадкова значная колькасць работнікаў галіны маюць права на прафесійнае пенсійнае страхаванне. Як своечасова і якасна правесці атэстацыю працоўных месцаў па ўмовах працы, падрабязна тлумачыць начальнік упраўлення дзяржаўнай экспертызы ўмоў працы і аховы працы камітэта па працы, занятасцi i сацыяльнай абароне Мінскага аблвыканкама А. М. Кавалёва.

 

Пытанні атэстацыі, пашпартызацыі і комплекснай гігіенічнай ацэнкі напрамую ўвязаныя з абавязкамі наймальнікаў па ўсталяванні фактычнага стану вытворчага асяроддзя, цяжару і напружанасці працоўнага працэсу, а таксама іншых паказчыкаў. Пра тое, як рацыянальна спланаваць і правесці неабходныя работы, – у публікацыі сябра грамадскага аб'яднання «Супольнасьць працоўнага права» У. П. Семіча.

 

Чаму прыватны вытворца не скарачае бюджэт на ахову працы? На гэтае пытанне ў лютаўскім нумары часопіса адказвае першы намеснік генеральнага дырэктара брэсцкага ЗП «ІНКА-ФУД» Р. С. Та.

 

Загадчык філіяла № 8 ДУАЗ «Гомельская цэнтральная гарадская паліклініка» Н. В. Кісялёва дзеліцца вопытам, як эфектыўна арганізаваць медагляды ў працоўных калектывах.

 

Таксама ў нумары – матэрыял пра тое, чым небяспечны інсульт, як засцерагчыся ад каварнага захворвання, аказаць дапамогу тым, каго хвароба заспела на працоўным месцы.

 

А ў бясплатным дадатку да часопіса – заключная частка дапаможніка аб ахове працы для прадпрыемстваў малога бізнэсу, падрыхтаванага начальнікам Магілёўскага абласнога ўпраўлення Дэпартамента дзяржаўнай інспекцыі працы С. А. Жыгунова.

 

 

Ю. А. Бяствіцкі, otsz.by

 

Усе навіны