За бяспеку разам
Міністэрства працы і сацыяльнай абароны Рэспублікі Беларусь падтрымала ініцыятыву Міністэрства па надзвычайных сітуацыях адносна правядзення рэспубліканскай прафілактычнай акцыі “За бяспеку разам”. Яна накіравана перш за ўсё на папярэджанне пажараў і гібелі людзей у вясенне-летні перыяд.
Мерапрыемства, канчатковай мэтай якога павінна стаць папярэджанне пажараў у жыллёвым фондзе, падтрымалі таксама іншыя міністэрствы і грамадскія арганізацыі.
Як паведамляе МНС, асноўная прычына пажараў у жыллёвым фондзе крыецца ў няведанні альбо занядбанні мер бяспекі. Так званы чалавечы фактар становіцца вызначальным у многіх сітуацыях, якія вядуць да гібелі людзей ад вогненнай стыхіі.
Акцэнт акцыі “За бяспеку разам”, якая працягнецца да 28 красавіка, зроблены на абследаванні супрацьпажарнага стану домаўладанняў адзінокіх і пажылых грамадзян, інвалідаў, сем'яў, у якіх дзеці знаходзяцца ў сацыяльна небяспечным становішчы. Удзельнікі акцыі, апроч маніторынга жылля, правядуць таксама тлумачальна-інфармацыйную работу з грамадзянамі, што датычыцца захавання пажарнай бяспекі і аказання ведамасных паслуг у гэтай сферы.
Ю. А. Бяствіцкі, otsz.by
Усе навіны