ВЫЙШАЎ ЧАРГОВЫ НУМАР ЧАСОПІСА “АХОВА ПРАЦЫ І САЦЫЯЛЬНАЯ АБАРОНА” (№ 9/2021)
У вераснёўскім нумары часопіс працягвае публікаваць адказы спецыялістаў-практыкаў на пытанні, якія тычацца змены шэрагу нарматыўных прававых актаў у сферы аховы працы.
Пра тое, наколькі важна забяспечыць рабочага па комплекснай уборцы і ўтрыманню домаўладанняў сродкамі індывідуальнай абароны (у прыватнасці, сігнальнай камізэлькай), – каментар інжынера па ахове працы С. М. Пшанічнікава.
Начальнік упраўлення дзяржаўнай экспертызы ўмоў працы і аховы працы камітэта па працы, занятасцi i сацыяльнай абароне Мінскага аблвыканкама А. М. Кавалёва распавядае аб нюансах атэстацыі рабочых месцаў па ўмовах працы ў энергетыцы.
Аб важных дэталях забеспячэння бяспекі пры перавозцы небяспечных грузаў у адпаведнасці з новымі заканадаўчымі патрабаваннямі распавядае начальнік упраўлення Дэпартамента па наглядзе за бяспечным вядзеннем работ у прамысловасці МНС Ю. І. Садоўнікаў.
Шырокае прымяненне матэрыялаў з шкловалакна ў побыце і галінах прамысловасці тлумачыцца іх універсальнымі характарыстыкамі. Аднак якія спецыфічныя асаблівасці шкловалакна як матэрыялу патрабуюць асаблівых падыходаў пры забеспячэнні бяспекі пры яго вытворчасці? Адказ на гэта пытанне – на старонках часопіса.
Як правіла “Плануй – рабі – правярай – дзейнічай” стала асновай бяспекі рабочых месцаў у РУВП “Граніт”, распавядае начальнік службы вытворчага кантролю прадпрыемства Н. А. Малевіч.
Часопіс працягвае размову аб асноўных патрабаваннях правядзення ўступнага супрацьпажарнага інструктажу, а таксама сістэматызацыі арганізацыі кантролю за выкананнем патрабаванняў аховы працы ў суб'ектах гаспадарання розных формаў уласнасці.
Сон, несумненна, неад'емная частка здаровага ладу жыцця, што, у сваю чаргу, з'яўляецца залогам высокага ўзроўню працаздольнасці чалавека. Што неабходна рабіць, каб дасягнуць такога выніку, – на старонках часопіса распавядае прадстаўнік Рэспубліканскага цэнтра аховы працы Міністэрства працы і сацыяльнай абароны Рэспублікі Беларусь Т. М. Сушынская.
У нумары чытачы таксама змогуць азнаёміцца з пастановай Міністэрства працы і сацыяльнай абароны Рэспублікі Беларусь ад 31 мая 2021 г. № 40 “Аб зацвярджэнні Тыпавой інструкцыі па ахове працы пры касьбе травы”, а ў дадатку да часопіса друкуецца пастанова Міністэрства па надзвычайных сітуацыях Рэспублікі Беларусь ад 17 мая 2021 г. № 35 “Аб зацвярджэнні Правілаў па забеспячэнні бяспекі перавозкі небяспечных грузаў аўтамабільным транспартам”.
Ю. А. Бяствіцкі, otsz.by