Будаўнікі падтрымліваюць канцэпцыю «Vision Zero»
Як паведамляе сайт Міністэрства архітэктуры і будаўніцтва Рэспублікі Беларусь, Беларускі прафсаюз работнікаў будаўніцтва і прамбудматэрыялаў, як партнёр міжнароднай кампаніі «VisionZero», на працягу апошніх гадоў садзейнічае ўкараненню ў галіновых арганізацыях прынцыпаў канцэпцыі нулявога траўматызму.
Так, у 2020 г. да ініцыятывы ў якасці прыхільнікаў кампаніі за бяспечную працу далучыліся 45 будаўнічых арганізацый. Усе яны зарэгістраваныя на сайце Visionzero.global і прыступілі да ўкаранення сямі «залатых правілаў» канцэпцыі.
Як адзначае галоўны тэхнічны інспектар працы Беларускага прафсаюза работнікаў будаўніцтва і прамбудматэрылаў Э. Гарунова, далучыцца да ініцыятывы можа любая будаўнічая арганізацыя краіны. Для гэтага дастаткова зарэгістравацца на афіцыйным сайце міжнароднай кампаніі. Безумоўна, такое простае дзеянне аўтаматычна не знізіць траўматызм на прадпрыемствах, але дазволіць кіраўнікам і работнікам акцэнтаваць увагу на асноўных аспектах бяспечнай вытворчасці, адаптаваць патрабаванні канцэпцыі пад спецыфіку любой будаўнічай арганізацыі.
Ю. А. Бяствіцкі, otsz.by
Усе навіны