Стратэгія бяспекі ў навацыях

У ААТ “Белгазбуд” у час правядзення Тыдня нулявога траўматызму з удзелам прадстаўнікоў навукова-практычнага кангрэса “Стратэгія бяспекі” ў фокусе ўвагі былі пытанні выканання патрабаванняў аховы працы.

Як паведамляе сайт ДВА “Белпалівагаз”, падчас правядзення тэматычных мерапрыемстваў была прапрацавана блок-схема ацэнкі няшчасных выпадкаў у рамках прымянення метаду пошуку іх першапрычын пад назвай “5 ЧАМУ”. Таксама былі разгледжаны пытанні функцыянавання новых блокаў праграмнага комплексу СКАП, карткавай сістэмы інфармавання работнікаў аб траўматызме.

Паводле ацэнкі першага намесніка генеральнага дырэктара ДВА “Белпалівагаз” Д. В. Шаўлоўскага, новыя падыходы да аховы працы дапамогуць правесці “перазагрузку”: па-новаму зірнуць на пытанні прамысловай бяспекі, скарачэння і прафілактыцы вытворчага траўматызму, “падшліфаваць” лакальныя і нарматыўныя дакументы, папярэдзіць здарэнні на аб’ектах газаразмеркавальнай сістэмы і прадпрыемстваў тарфяной прамысловасці.

У якасці арыенціра, які вызначае сучасныя падыходы ў галіне аховы працы і бяспекі, быў прыведзены вопыт работы ведамаснага інжынерна-тэхнічнага цэнтра па падрыхтоўцы і павышэнні ўзроўню кваліфікацыі зваршчыкаў.

Ю. А. Бяствіцкі, otsz.by

Усе навіны