Самыя бяспечныя будпляцоўкі
Пераможцамі агляду-конкурсу на лепшую арганізацыю аховы працы і культуры вытворчасці на будаўнічых пляцоўках арганізацый, якія ўваходзяць у склад ДВА “Мінскбуд”, прызнаныя аб’екты ААТ “МАПІД”. У ліку лепшых таксама аб’екты ААТ “Будтрэст № 1” і ААТ “Будтрэст № 4”.
Як паведамляецца на сайце ДВА «Мінскбуд», у конкурсе ўдзельнічала восем арганізацый, якія прадставілі для ацэнкі больш за 20 будпляцовак.
На працягу некалькіх месяцаў прадстаўнікі аддзела аховы працы і тэхнікі бяспекі ДВА “Мінскбуд”, Мінскага гаркама галіновага прафсаюза вывучалі ўтрыманне тэрыторыі і бытавых гарадкоў. Асаблівая ўвага надавалася болевым кропкам будаўнічай галіны: агароджы небяспечных зон і перападаў па вышыні, ужыванню сродкаў індывідуальнай абароны, арганізацыі працоўных месцаў, прымяненню электраінструмента, складзіраванню матэрыялаў і вывазу смецця.
Камісія таксама звяртала ўвагу на наяўнасць дакументацыі па ахове працы, электра- і пажарабяспецы, эксплуатацыі грузапад'ёмных машын і механізмаў, сродкаў малой механізацыі, на выкананне нормаў і правілаў аховы працы. Улічвалі і бытавыя умовы: забеспячэнне будаўнікоў пітной вадой і дэзсродкамі, наяўнасць печаў ЗВЧ, стан душавых і санітарных памяшканняў.
Ю. А. Бяствіцкі, otsz.by
Усе навіны