Адной дзялянкай больш: супрацоўнікі часопіса ўзялі ўдзел у “Тыдні лесу”

Свежая прасека, з якой яшчэ не паспелі вывезці ўраджай дзелавой драўніны, – такім работнікі часопіса “Ахова працы і сацыяльная абарона” і некаторых іншых арганізацый убачылі свой фронт работ у Навасельскім лясніцтве Мінскага раёна, куды прыбылі для ўдзелу ў акцыі “Тыдзень лесу”.

Прадстаўнік лясніцтва аператыўна падзяліў нас на групы па два-тры чалавекі. Кожная атрымала спецыяльны інструмент для пасадкі – меч Колесава – і прайшла кароткі інструктаж па тэхналогіі выканання работ. Загадзя прыгатаваныя разоры і саджанцы значна паскорылі справу, а спецыяліст сачыў за якасцю і належнай шчыльнасцю пасадкі. У выніку да канца працоўнага дня наш працоўны дэсант з задачай справіўся: на дзялянцы былі высаджаны сотні маладых ялінак, і зусім хутка на месцы старога лесу будзе зелянець новы.

І. А. Раманоўская, otsz.by

Усе навіны