Абавязкова “Застацца ў жывых”
У ходзе месячніка па ахове працы, які праводзіцца ў жніўні ў арганізацыях ДВА “Белэнерга”, у сацыяльных сетках запушчаны чэлендж “Застацца ў жывых”.
Для ўдзелу ў чэленджы трэба стварыць відэаролік пра значэнне талоннай сістэмы, у якіх будуць выкарыстаны ключавыя фразы “...я не апошні герой”, “...у мяне ёсць тры талоны”, а таксама “...я хачу застацца жывым і здаровым”. Затым відэа будзе размешчана ў сацыяльных сетках з хештэгамі (#ТрыТалоныТБ #ахова працы).
На думку кіраўніцтва энергетычнай арганізацыі, відэаматэрыялы чэленджу здольныя спрыяць павышэнню асабістай адказнасці работнiкаў за захаванне патрабаванняў аховы працы, аператыўнаму выяўленню парушэнняў ў сферы бяспекі і стануць адным з дзейсных элементаў у сістэме кіравання аховай працы.
Як адзначаецца на сайце ДВА “Белэнерга”, творчы падыход і імправізацыя пры стварэнні тэматычнага відэа вітаюцца. Яшчэ адна мэта дадзенай ініцыятывы – папулярызацыя прафесіі энергетыка сярод маладых людзей, якія вызначаюцца з выбарам прафесіі.
Ю. А. Бяствіцкі, otsz.by
Усе навіны