На Магілёўшчыне прайшлі семінары па забеспячэнні бяспекі ў АПК
Напярэдадні масавых палявых работ у Магілёўскай вобласці адбыліся традыцыйныя міжрэгіянальныя семінары па ахове працы, транспартнай і пажарнай бяспецы ў АПК. Пляцоўкамі для іх правядзення сталі Шклоўскі, Крычаўскі, Бабруйскі і Слаўгарадскі раёны.
У рамках семінараў прадстаўнікі Магілёўскага абласнога ўпраўлення Дэпартамента дзяржінспекцыі працы, аблсельгасхарча, Дзяржаўтаінспекцыі, МНС, санітарна-эпідэміялагічнай службы нагадалі галоўным інжынерам і спецыялістам па ахове працы сельгасарганізацый аб патрабаваннях да забеспячэння належнага стану тэхнікі, яе перамяшчэння па дарогах і арганізацыі працы ўчасткаў па напампоўцы шын; патрабаваннях, што прад’яўляюцца да грузапад’ёмных механізмаў, такарнага і зварачнага абсталявання; правілах па забеспячэнні сродкамі індывідуальнай абароны работнікаў і неабходнасці стварэння для іх належных санітарна-бытавых умоў; мерах па прадухіленні пажараў.
Пры гэтым увага была акцэнтавана на парадку атрымання пуцявых лістоў і праходжанні прыборнага кантролю на прадмет знаходжання работнікаў у стане алкагольнага ап’янення. У прыватнасці, першы намеснік начальніка Магілёўскага абласнога ўпраўлення Дэпартамента дзяржінспекцыі працы Д. У. Малахаў падкрэсліў: такі кантроль неабходна арганізаваць не толькі перад пачаткам, але і падчас працоўнай змены.
С. І. Грыб, otsz.by
На фота: падчас правядзення семінара на базе СВК “Гігант” Бабруйскага раёна
Усе навіны