28 красавіка – Сусветны дзень аховы працы
Агульнымі намаганнямі за пазітыўную культуру аховы працы
Традыцыйны Сусветны дзень аховы працы сёлета мае асаблівы змест – ён прысвечаны сацыяльнаму дыялогу і ўцягнутасці ўсіх зацікаўленых бакоў у гарантаванне бяспекі.
Чаму менавіта сёння важны гэты пасыл? За час барацьбы з пандэміяй COVID-19 у свеце пераканаліся: наяўнасць надзейнай сістэмы аховы працы, якая функцыянуе пры актыўным удзеле ўрадаў, работадаўцаў і работнікаў, усіх зацікаўленых бакоў, адыгрывае важную ролю ў забеспячэнні прафесійнай бяспекі і захаванні здароўя.
Эфектыўны дыялог дае магчымасць урадам і сацыяльным партнёрам актыўна ўдзельнічаць у прыняцці рашэнняў. Гэта мае вялікае значэнне на ўсіх этапах: ад распрацоўкі і карэкціроўкі палітыкі ў галіне аховы працы з улікам існуючых і зноў узнікаючых праблем да яе практычнага прымянення на працоўных месцах.
Сацыяльны дыялог садзейнічае выпрацоўцы больш эфектыўнай палітыкі і стратэгіі ў галіне аховы працы, а таксама ўносіць асноўны ўклад ва ўмацаванне адказнасці і зацікаўленасці бакоў, што садзейнічае аператыўнай рэалізацыі прынятых рашэнняў.
Пазітыўная культура аховы працы азначае, што адміністрацыя і работнікі аднолькава шануюць бяспечнае і здаровае вытворчае асяроддзе, прыкладаюць максімум намаганняў да яго забеспячэння. Яна таксама будуецца на ўцягнутасці і актыўным удзеле ўсіх бакоў у пастаяннае ўмацаванне аховы працы.
Там, дзе забяспечана высокая культура, работнікі не саромеюцца выказваць заклапочанасць магчымымі рызыкамі і пагрозамі сваім бяспецы і здароўю. У сваю чаргу адміністрацыя праяўляе абгрунтаваную ініцыятыву ў плане калектыўнага вырашэння набалелых праблем. Неабходная для гэтага ўмова – адкрыты абмен інфармацыяй і дыялог, пабудаваны на даверы і ўзаемнай павазе.
Усе навіны