Бяспека. Люты. “Чыжоўка Арэна”
З 21 па 23 лютага 2023 года ў сталічным СК “Чыжоўка Арэна” пройдзе прадстаўнічая міжнародная выстава “Рабочае адзенне. Бяспека і ахова працы ў Беларусі”.
Як паведамілі арганізатары выставы – прадстаўнікі ЗАТ “МінскЭкспа”, – на ёй будзе прадстаўлены шырокі спектр сродкаў індывідуальнай абароны, рабочага адзення і абутку, сістэм бяспекі і аховы як замежных, так і айчынных вытворцаў. Удзельнікі выставы атрымаюць шырокія магчымасці для пошуку дзелавых партнёраў, ацэнкі беларускага рынку і, адпаведна, павелічэння продажаў вырабаў, здольных зрабіць працу не толькі максімальна бяспечнай, але і камфортнай.
На стэндах таксама будуць прадстаўлены індывідуальныя і калектыўныя сродкі аховы для розных галін прамысловасці, сферы паслуг, а таксама медыцыны і фармацыі, сілавых структур і ахоўных арганізацый.
Арганізатары выставы звяртаюць увагу, што ўпершыню ў экспазіцыю ўключаны новы раздзел – “Ахова будынкаў і вытворчых памяшканняў. Абарона інфармацыі”, дзе будуць прадстаўлены абсталяванне і новыя тэхналогіі для кантролю і кіравання доступам, відэаназірання, аховы перыметра і пажарнай бяспекі, сігналізацыі і апавяшчэння.
Падчас работы выставы будуць праведзены семінары, канферэнцыі, круглыя сталы з выступленнямі вядучых спецыялістаў у галіне аховы працы Беларусі і Расіі.
Ю. А. Бяствіцкі, otsz.by
Усе навіны