Завершана расследаванне смяротнага здарэння

Галоўнае следчае ўпраўленне Следчага камітэта Рэспублікі Беларусь завяршыла расследаванне крымінальнай справы аб парушэнні праектаў пры вытворчасці будаўніча-мантажных работ, што пацягнула гібель двух чалавек.

 

Як паведамляе сайт Следчага камітэта Рэспублікі Беларусь, у лютым 2019 г. пры вытворчасці дэмантажных работ на тэрыторыі аднаго з прадпрыемстваў Мінска абрынулася цагляная частка будынка, пад заваламі якога загінулі 63-гадовы вядучы інжынер складской гаспадаркі і 53-гадовы кантралёр тэхнічнага стану механічных транспартных сродкаў.

Расследаванне з удзелам супрацоўнікаў дзяржаўнага камітэта судовых экспертыз, Дэпартамента дзяржаўнай інспекцыі працы, іншых зацікаўленых структур выявіла, што аварыя на аб'екце адбылася па прычыне грубых парушэнняў праекта вытворчасці работ і тэхнічных нарматыўных прававых актаў. Адказным за арганізацыю будаўніча-мантажных работ і выкананне патрабаванняў бяспекі з'яўляўся намеснік галоўнага інжынера падраднай арганізацыі, які парушыў не толькі нарматыўныя прававыя акты, але і службовую інструкцыю.

У прыватнасці, ён не прысутнічаў на месцы работ і не забяспечыў належнай агароджай тэрыторыю, што дазволіла б бяспечна праводзіць дэмантаж аб'екта, і не азнаёміў з праектам вытворчасці работ машыніста экскаватара, які ў парушэнне інструкцыі ўздзейнічаў абсталяваннем механічнага сродка на цагляны мур сцяны.

У ходзе расследавання былі дапытаны больш за 40 супрацоўнікаў прадпрыемства і службовыя асобы, звязаныя з выкананнем работ, вывучаны запісы камер відэаназірання і прааналізавана дакументацыя, якая рэгламентуе парадак будаўніцтва аб'екта, вытворчасці работ, а таксама забеспячэння бяспечных умоў і аховы працы. Да матэрыялаў крымінальнай справы прыкладзена заключэнне будаўніча-тэхнічнай экспертызы, праведзенай супрацоўнікамі ДКСЭ з прыцягненнем спецыялістаў Беларускага нацыянальнага тэхнічнага ўніверсітэта, Дэпартамента кантролю і нагляду за будаўніцтвам Дзяржаўнага камітэта па стандартызацыі і Дэпартамента дзяржаўнай інспекцыі працы.

Па выніках расследавання намесніку галоўнага інжынера падраднай арганізацыі прад'яўлена абвінавачванне па частцы другой арт. 305 Крымінальнага кодэкса Рэспублікі Беларусь (парушэнне праектаў, абавязковых для выканання патрабаванняў тэхнічных нарматыўных прававых актаў пры вытворчасці будаўніча-мантажных работ асобай, адказнай за іх выкананне, што пацягнула па неасцярожнасці смерць двух асоб).

Віну намеснік галоўнага інжынера прызнаў цалкам. Да яго ўжыта мера стрымання ў выглядзе падпіскі аб нявыездзе і належных паводзінах. Крымінальная справа перададзена пракурору для накіравання ў суд.

 

Ю. А. Бяствіцкі, otsz.by

Усе навіны