Як атрымаць торфабрыкет без пылу?

Надзейнасць абяспыльвання – найважнейшы фактар у рабоце айчынных прадпрыемстваў тарфянай прамысловасці, паколькі ён цесна звязаны з пытаннямі экалогіі, энергаэфектыўнасці і энергазберажэння, а таксама культуры вытворчасці і аховы працы.

Як паведамляецца на сайце ДВА «Белпалівагаз», на торфабрыкетным заводзе “Дзітва” ў Гродзенскай вобласці праведзена рэканструкцыя сістэм абяспыльвання з укараненнем сучаснага абсталявання. Ранейшыя сістэмы не спраўляліся з першачарговай задачай – ачысткай паветра: выкіды цвёрдых часціц у атмасферу перавышалі устаноўленыя экалагічнымі нормамі паказчыкі.

Эфектыўнасць новай сістэмы даказаная практыкай: аптымізаванае размяшчэнне фільтравальных рукавоў дазваляе папярэдне аддзяляць пыл тэхналагічным паветрам і абараніць ад яго торфабрыкетную вытворчасць.

Дзякуючы новаўвядзенню на 10–15 % скараціліся штогадовае спажыванне вады і ўдзельны расход электраэнергіі на адну тону выпушчанай прадукцыі, зменшаны выкіды забруджвальных рэчываў у атмасферу на 12–13 т/г. Рэалізацыя гэтага праекта разам з вытворчымі і эканамічнымі паказчыкамі забяспечыла работнікам прадпрыемства больш камфортныя і бяспечныя ўмовы працы.

 

Ю. А. Бяствіцкі, otsz.by

Усе навіны