Размер шрифта: А А А
Цвет сайта: Ц Ц Ц
Изображения: Выкл Ч/б Цвет
Настройка:
Межбуквенное расстояние: Стандартное Увеличенное Большое
Вернуть стандартные настройки
Выйти из режима для слабовидящих
Закрыть
КРАТКОЕ СОДЕРЖАНИЕ НОМЕРА:

Название журнала для выборки

ТЭЛЕФОН РЭДАКЦЫІ:
+375 17 203 19 97
ЭЛЕКТРОННАЯ ПОШТА:
info@otsz.by
Скачать ознакомительный номер «Охрана труда и социальная защита»

ВЫЙШАЎ ЧАРГОВЫ НУМАР ЧАСОПІСА “АХОВА ПРАЦЫ І САЦЫЯЛЬНАЯ АБАРОНА” (№ 2/2020)

02 Марта 2020

Кіраўнікам, спецыялістам, усім работнікам важна ведаць: якія новыя патрабаванні ўтрымлівае Закон Рэспублікі Беларусь “Аб ахове працы”. Пра канкрэтныя карэктывы і сутнасць унесеных змяненняў чытачам распавядае начальнік упраўлення аховы і дзяржаўнай экспертызы ўмоў працы Міністэрства працы і сацыяльнай абароны І. А. Карчэўскі.

Не менш актуальнай сёння тэме – пошуку і разведцы новых радовішчаў карысных выкапняў – прысвечаны артыкул галоўнага спецыяліста аддзела аховы працы і дзяржаўнай экспертызы ўмоў працы камітэта па працы, занятасцi i сацыяльнай абароне Магілёўскага аблвыканкама П. Я. Краўчынскага. Асноўную ўвагу аўтар надае тым патрабаванням, выкананне якіх неабходнае для бяспечнага асваення новых радовішчаў.

Як не парушыць патрабаванні заканадаўства, адпраўляючы работніка ў службовую камандзіроўку? Нарматыўнае рэгуляванне гэтых пытанняў у адпаведнасці з Працоўным кодэксам разглядае эксперт, інжынер, член грамадскага аб'яднання “Супольнасьць працоўнага права” У. П. Семіч.

Пра асаблівасці атэстацыі рабочых месцаў байца жывёлы і абвальшчыка мяса ідзе гаворка ў матэрыяле начальніка ўпраўлення дзяржаўнай экспертызы ўмоў працы і аховы працы камітэта па працы, занятасцi i сацыяльнай абароне Мінскага аблвыканкама А. М. Кавалёвай.

Як нейтралізаваць уплыў небяспечных хімічных фактараў у будаўніцтве, а таксама на прадпрыемствах будіндустрыі і тым самым пазбегнуць пранікнення ў арганізм небяспечных атрутных рэчываў? На гэтае пытанне ў лютаўскім нумары адказвае спецыяліст па ахове працы У. А. Ганчароў.

Таксама на старонках часопіса можна пазнаёміцца з параўнальным аналізам патрабаванняў дзеючага дзяржаўнага стандарта СТБ 18001-2009 і праекта дзяржаўнага стандарта СТБ ISO 45001/ПР-1.

Пра ўзмацненне адказнасці за выкананне патрабаванняў бяспекі дзве публікацыі з рэгіёнаў: на Віцебшчыне у 2019 г. значна вырас вытворчы траўматызм у арганізацыях, падпарадкаваных Мінпраму, а ў Магілёўскай вобласці склалася напружаная сітуацыя з траўматызмам пры эксплуатацыі службовага аўтатранспарту.

Завяршае нумар артыкул “Мужчынскае здароўе: рызыкі і прафілактыка”. У ім закранаюцца актуальныя праблемы дэмаграфічнай сітуацыі ў краіне.

У дадатку да часопіса – працяг публікацыі Інструкцыі аб парадку правядзення абавязковых і пазачарговых медыцынскіх аглядаў работнікаў, зацверджанай пастановай Міністэрства аховы здароўя Рэспублікі Беларусь ад 29 ліпеня 2019 г. № 74.

Ю. А. Бяствіцкі, otsz.by

Усе навіны
Опрос
– Работніку ўстаноўлены рэжым няпоўнага працоўнага часу з 9:00 да 11:20; з 10:00 да 10:20 – час абедзеннага перапынку.
Рэжым работы, які прымяняецца ў наймальніка згодна з правіламі ўнутранага працоўнага распарадку, – з 9:00 да 18:00.
Ці лічыцца работа па просьбе наймальніка з 16:30 да 18:00 звышурочнай, і як яе аплаціць?

Адказвае Вольга Васільеўна ЗБІТНЕВА, намеснік начальніка ўпраўлення нагляду за выкананнем заканадаўства аб працы Дэпартамента дзяржаўнай інспекцыі працы Міністэрства працы і сацыяльнай абароны Рэспублікі Беларусь:

– Не, работа, выкананая работнікам, якому ўстаноўлены няпоўны працоўны час, звыш устаноўленай працягласці працоўнага часу ў межах поўнага працоўнага дня, не будзе лічыцца звышурочнай.
Згодна з ч. 2 арт. 119 Працоўнага кодэкса Рэспублікі Беларусь (ТК) работа, выкананая работнікамі з няпоўным працоўным часам звыш устаноўленай працягласці працоўнага часу, не прызнаецца звышурочнай.
У выпадку выканання работнікам, якому ўстаноўлены няпоўны працоўны дзень, работы звыш устаноўленай працягласці працоўнага часу аплаце падлягае фактычна адпрацаваны час без прымянення норм арт. 69 ПК.

Адказы на іншыя пытанні чытайце ў № 3, 2024 часопіса “Ахова працы і сацыяльная абарона”.