ВЫЙШАЎ ЧАРГОВЫ НУМАР ЧАСАПІСА «АХОВА ПРАЦЫ І САЦЫЯЛЬНАЯ АБАРОНА» (№ 5/2019)
Работа па стварэнні здаровых і бяспечных умоў працы ў арганізацыях канцэрна “Белнафтахім” і Міністэрства прамысловасці Рэспублікі Беларусь абмяркоўвалася на семінары з удзелам намесніка Міністра працы і сацыяльнай абароны Рэспублікі Беларусь І. Р. Старавойтава і начальніка ўпраўлення аховы і дзяржаўнай экспертызы ўмоў працы Мінпрацы і сацабароны І. А. Карчэўскага, які адбыўся ў ААТ “Гомельскі хімічны завод”. Аб напрамках, якія прызнаныя найбольш перспектыўнымі, ідзе гаворка ў матэрыяле “Кампетэнтнасць, стымул і кантроль”.
У рубрыцы “Год юбілею: рэгіён” публікуецца артыкул старшыні камітэта па працы, занятасцi i сацыяльнай абароне Віцебскага аблвыканкама А. М. Христофорова “У прыярытэце – прынцып прафілактыкі”. У ім распавядаецца аб сістэмнай рабоце, наладжанай у вобласці для прадухілення вытворчых рызык, захавання жыцця і здароўя працаўнікоў.
Падрабязная інфармацыя пра тое, якія меры трэба прыняць, каб забяспечыць бяспеку пры разборцы аварыйных будынкаў і збудаванняў, даецца ў публікацыі галоўнага спецыяліста аддзела аховы працы і дзяржаўнай экспертызы камітэта па працы, занятасцi i сацыяльнай абароне Магілёўскага аблвыканкама П. Я. Краўчынскага ў рубрыцы “Асаблівая ўвага”.
Вопытам выкарыстання мабільнага прыкладання “Viber” у працы па ахове працы дзеліцца вядучы інжынер па ахове працы ЭРУП “Пуцявая машынная станцыя № 116” Беларускай чыгункі К. В. Цыганкоў ў матэрыяле “У рэжыме анлайн”.
У дарожна-будаўнічай галіне нямала прафесій са шкоднымі і цяжкімі ўмовамі працы. Адна з іх – асфальтабетоншчык. Пра тое, як пісьменна правесці атэстацыю яго працоўнага месца, ідзе гаворка ў матэрыяле начальніка ўпраўлення дзяржаўнай экспертызы ўмоў працы і аховы працы камітэта па працы, занятасцi i сацыяльнай абароне Мінскага аблвыканкама А. М. Кавалёвай.
Кіраўнікам і спецыялістам дрэваапрацоўчых прадпрыемстваў адрасаваны матэрыял пра шматступенную абарону ад пажараў, якая выкарыстоўваецца ў ААТ “Івацэвічдрэў”.
У публікацыі «Працаваць зыходзячы з рызык» распавядаецца аб мерах, за кошт якіх атрымоўваецца знізіць рызыку траўматызму на торфабрыкетных прадпрыемствах ДВА “Белпалівагаз”.
У дадатку да майскага нумара часопіса – даклад аб выкананні заканадаўства аб працы і аб ахове працы ў Рэспубліцы Беларусь у 2018 годзе.
Ю. А. Бяствіцкі, otsz.by
Усе навіны