У Мінскім раёне загінуў будаўнік
У Мінскім раёне з балкона пятага паверха сарваўся рабочы.
Як паведамляецца на сайце Следчага камітэта Рэспублікі Беларусь, ён працаваў на будаўніцтве жылога дома. Вышыня, з якой упаў рабочы, аказалася смяротнай: ад атрыманых траўмаў 40-гадовы жыхар Маладзечна памёр на месцы.
Па дадзеным факце ўзбуджаная крымінальная справа па ч. 2 ст. 306 Крымінальнага кодэкса Рэспублікі Беларусь (парушэнне правілаў аховы працы, што пацягнула па неасцярожнасці смерць чалавека).
У рамках расследавання канфіскавана дакументацыя, якая рэгламентуе выкананне працоўных абавязкаў, пытанні выканання правілаў аховы працы, патрабаванняў бяспекі пры выкананні будаўніча-мантажных работ на вышыні. Дапытваюцца работнікі, службовыя і іншыя адказныя асобы, а таксама прызначаныя экспертызы, правядзенне якіх даручана спецыялістам ДКСЭ.
Ю. А. Бяствіцкі, otsz.by
