У лютым адбудзецца Міжнародная спецыялізаваная выстава “Рабочае адзенне. Бяспека і ахова працы ў Беларусі – 2019”
З 20 па 22 лютага 2019 г. у Мінску (вул. Ташкенцкая, 19, СК “Чыжоўка-Арэна”) пройдзе Міжнародная спецыялізаваная выстава “Рабочае адзенне. Бяспека і ахова працы ў Беларусі – 2019”.
Рабочае адзенне з'яўляецца часткай іміджу любой арганізацыі. Таму адна з важнейшых задач выставы – дэманстрацыя ўсяго спектру рабочага адзення і абутку, сродкаў індывідуальнай абароны, якія выпускаюцца ў Рэспубліцы Беларусь і краінах СНД, а таксама прадастаўленне магчымасці наймальнікам параўнаць прапановы і ўмовы адразу некалькіх вытворцаў і пастаўшчыкоў рабочага і карпаратыўнага адзення. У прыватнасці, шырокі выбар розных мадэляў рабочага адзення і сродкаў абароны прадставяць больш за 20 вядомых вытворцаў з Беларусі, Расіі, Фінляндыі.
Тэматычныя раздзелы выставы:
• Тканіны, тэхнічны тэкстыль, нятканыя матэрыялы, фурнітура;
• Спецабутак;
• Адзенне для работнікаў розных галін прамысловасці, будаўніцтва, транспарту, гандлю, грамадскага харчавання, сферы паслуг, медыцыны і фармацыі, сілавых і ахоўных паслуг: прафесійная, спецыяльная, ведамасная, карпаратыўная;
• Сродкі індывідуальнай абароны.
Акрамя таго, 21 лютага з 10.00 да 15.00 пройдзе бясплатны семінар для інжынераў па ахове працы і іншых зацікаўленых спецыялістаў на тэму “Прафілактыка вытворчага траўматызму з дапамогай прымянення інавацыйных сродкаў індывідуальнай абароны, навінкі сродкаў індывідуальнай абароны”. Арганізатарамі семінара з'яўляюцца Міністэрства працы і сацыяльнай абароны Рэспублікі Беларусь і рэспубліканскі фонд «Праца і здароўе».
Варта адзначыць, што выставачная пляцоўка традыцыйна выкарыстоўваецца спецыялістамі для абмеркавання ўмоў выгаднага супрацоўніцтва, дасягненні дамоўленасцей і падпісання пагадненняў, абмену творчым і прадпрымальніцкім вопытам, павелічэння аб'ёмаў продажаў і ўмацавання сувязяў з калегамі.
Інфармацыйным партнёрам мерапрыемства выступае часопіс “Ахова працы і сацыяльная абарона”.
Усе навіны