У ААТ «Івацэвічдрэў» атэставалі вальшчыкаў лесу

Экзамен па тэарэтычных ведах і практычных навыках працы з бензапілой трымалі ў гэтыя дні вальшчыкі лесу ААТ «Івацэвічдрэў».

 

Па заключэнні атэстацыйнай камісіі, свой прафесійны ўзровень пацвердзілі 13 вальшчыкаў лесу. Яны паспяхова прайшлі тэарэтычнае тэставанне, а таксама практычны экзамен на лесасеках, паведамляецца на сайце канцэрна «Беллеспаперапрам». У той жа час двум работнікам атэстацыйная камісія не прысвоіла кваліфікацыю «вальшчык лесу 6-га разраду». Яны павінны будуць прайсці дадатковае навучанне і пераэкзаменоўку.

Як сведчыць практыка, лесанарыхтоўкі – адзін з найбольш траўманебяспечных відаў работ. Пры валцы дрэў выкананне бяспечных прыёмаў працы і правілаў аховы працы – ключавая ўмова захавання здароўя і працаздольнасці вальшчыкаў лесу. Таму рэгулярнае навучанне, а таксама праверка тэарэтычных і практычных ведаў у ААТ «Івацэвічдрэў» з'яўляецца найважнейшым фактарам зніжэння рызык вытворчага траўматызму і павышэння прадукцыйнасці працы.

 

Ю. А. Бяствіцкі, otsz.by

Усе навіны