Страховачны пояс патрэбен не для ўпрыгожвання
Як паведаміў Теlegram-канал Следчага камітэта Рэспублікі Беларусь, ігнараванне патрабаванняў аховы працы прывяло да трагедыі на адным з будаўнічых аб'ектаў у Навагрудку.
Так, у другой палове снежня 29-гадовы работнік даводзіў да ладу дах на адным з будаўнічых аб'ектаў у райцэнтры. З паддона, які знаходзіўся побач, на яго раптам «паехалі» цяжкія лісты металапрофіля, у выніку чаго малады чалавек не ўтрымаўся і зваліўся на зямлю з вышыні пяціпавярховага дома.
Сашматлікімі пераломамі работніка даставілі ў бальніцу, дзе ён памёр ад атрыманых пры падзенні траўмаў. Са словаў калег, страхар па незразумелых прычынах праігнараваў патрабаванні бяспекі працы на вышыні і не прышпіліўся страховачным поясам.
Мясцовыя следчыя са спецыялістамі ДКСЭ агледзелі месца здарэння, зафіксавалі следавую карціну і паказанні відавочцаў, а таксама запатрабавалі тэхнічную дакументацыю, у тым ліку па ахове працы.
Ю. А. Бяствіцкі, otsz.by
Усе навіны