Сабраць ураджай без траўмаў і НЗ
Міністэрства сельскай гаспадаркі і харчавання Рэспублікі Беларусь накіравала інфармацыйны ліст кіраўнікам абл- і райсельгасхарчаў з патрабаваннем узмацніць меры бяспекі ў перыяд восеньскіх уборачных работ.
Як паведамляецца на сайце Мінсельгасхарчу, кіраўнікі падведамасных арганізацый абавязаны ўвесці больш жорсткі кантроль за выкананнем службовымі асобамі і работнікамі патрабаванняў па ахове працы і бяспекай працоўных месцаў у адпаведнасці з дырэктыўнымі дакументамі. Сярод прыярытэтных мераў: правядзенне з работнікамі інструктажоў па ахове працы з улікам відавых асаблівасцяў уборкі сельгаскультур, выкарыстання спецыяльнай тэхнікі і транспартных сродкаў, а таксама ўмоў надвор'я. Асаблівую ўвагу неабходна засяродзіць на захаванні тэхналогіі вытворчасці работ, а таксама забеспячэнні работнікаў і спецыялістаў сельгасгаліны неабходнымі сродкамі індывідуальнай абароны, спраўным інструментам і інвентаром.
Ю. А. Бяствіцкі, otsz.by
Усе навіны