НПА, стандарт, дысцыплінарка
У I квартале 2021 г. у Брэсце не было зарэгістравана няшчасных выпадкаў са смяротным зыходам на вытворчасці, а таксама выпадкаў цяжкага траўміравання работнікаў, якія знаходзіліся ў стане алкагольнага ап’янення. Разам з тым, як адзначыў падчас семінара па ахове працы для кіраўнікоў і спецыялістаў арганізацый першы намеснік старшыні Брэсцкага гарвыканкама В. В. Краўчук, работа па прадухіленні НЗ застаецца па-ранейшаму актуальнай.
Як нагадаў галоўны тэхнічны інспектар працы Брэсцкага абласнога аб’яднання прафсаюзаў П. А. Фядотаў, з 28 чэрвеня 2020 г. уступілі ў сілу змяненні ў Законе “Аб ахове працы”, а таксама ў шэрагу іншых нарматыўных прававых актах. Цяпер навацыі неабходна ўлічваць пры стварэнні алгарытму работы па забеспячэнні здаровых і бяспечных умоў працы ў арганізацыях. Апроч таго, нельга забываць, што асноўныя прынцыпы кіравання аховай працы, у тым ліку выяўлення рызык і прыняцця карэктуючых дзеянняў, знайшлі адлюстраванне ў новым стандарце –СТБ ISO 45001-2020 “Сістэмы менеджменту здароўя і бяспекі пры прафесійнай дзейнасці. Патрабаванні і дапаможнік па прымяненні”.
Пры гэтым першы намеснік начальніка Брэсцкага абраснога ўпраўлення Дэпартамента дзяржінспекцыі працы В. В. Бацук заўважыў: практыка расследаванняў няшчасных выпадкаў на вытворчасці паказвае, што іх галоўнай прычынай застаецца чалавечы фактар. З улікам гэтага адной з задач наймальнікаў з’яўляецца пастаяннае інфармаванне аб рызыках траўматызму, а таксама больш актыўнае прыцягненне да дысцыплінарнай адказнасці работнікаў, якія парушаюць патрабаванні аховы працы.
С. І. Грыб, otsz.by
Усе навіны