Страховачны пояс мог бы выратаваць жыццё

З даху аднаго з прадпрыемстваў Брэста з вышыні больш за 10 метраў сарваўся 25-гадовы рабочы-мантажнік.

 Як паведамляецца на сайце Следчага камітэта Рэспублікі Беларусь, малады чалавек, які выконваў будаўнічыя работы па дагаворы субпадраду, атрымаў цяжкія траўмы і памёр на месцы.

 Папярэднім следствам устаноўлена, што работнік, які меў пры сабе страховачны пояс, па нейкіх прычынах не скарыстаўся ім. Зараз прызначана судова-медыцынская экспертыза, а таксама канфіскавана дакументацыя па ахове працы. Следчым неабходна будзе ўстанавіцьусе абставіны здарэння, а таксама даць ацэнку дзеянням службовых асоб і самога работніка адносна парушэння патрабаванняў бяспекі, устаноўленых для дадзенага віду работ.

 Ю. А. Бяствіцкі, otsz.by

Усе навіны