Правіслы провад – імгненны ўдар

У Бялыніцкім раёне Магілёўшчыны паблізу вёскі Вішоў пад паветранай высакавольтнай лініяй ў камбайне знойдзены механізатар без прыкмет жыцця.

Як паведамляецца на сайце ДВА «Белэнерга», мяркуецца, што мужчына загінуў ад паразы электрычным токам у момант знаходжання збожжаўборачнай машыны пад правіслымі правадамі. Абставіны трагедыі цяпер высвятляюць прадстаўнікі раённага аддзела Следчага камітэта Рэспублікі Беларусь.

А энергетыкі нагадваюць: у перыяд правядзення актыўных сельскагаспадарчых работ рух любой тэхнікі пад правадамі паветраных ліній электраперадачы дапускаецца ў месцы найменшага правісання правадоў, бліжэй да апоры. Катэгарычна забароненыя прыпынак, запраўка і рамонт сельгасмашын пад лініямі электраперадачы.

 

 

 

Ю. А. Бяствіцкі, otsz.by

Усе навіны