Ігнараванне мер бяспекі прывяло да падзення з вышыні
Як паведамляе Telegram-канал Следчага камітэта Рэспублікі Беларусь, на адным з бабруйскіх прадпрыемстваў пры выкананні будаўнічых работ у светлавое акно столевага перакрыцця з вышыні 4,8 метра сарваўся 40-гадовы будаўнік.
Ад удару аб жалезабетонную падлогу мужчына памёр на месцы здарэння.
Як устанавіла следства, пацярпелы працаваў без афіцыйнага працаўладкавання, а таксама не прайшоў адпаведнае навучанне і інструктаж па тэхніцы бяспекі на дадзены від работ.
Зараз праведзены агляд месца здарэння, канфіскавана дакументацыя будаўнічай арганізацыі, у тым ліку па ахове працы, а таксама прызначана судова-медыцынская экспертыза.
У сувязі з трагічным інцыдэнтам на працоўным месцы распачата крымінальная справа па ч. 2 арт. 303 (парушэнне правілаў будаўнічых работ, што пацягнула па неасцярожнасці смерць чалавека) Крымінальнага кодэкса Рэспублікі Беларусь.
Ю. А. Бяствіцкі, otsz.by
Усе навіны