Без тытуню
Аб'яўлена антытытунёвая інфармацыйна-адукацыйная акцыя «Беларусь супраць тытуню».
Міністэрства працы і сацыяльнай абароны Рэспублікі Беларусь прапануе арганізаваць інфармаванне работнікаў падведамасных арганізацый, а таксама ўсіх жыхароў аб шкодзе, якую наносіць здароўю спажыванне тытунёвых і іншых вырабаў, якія змяшчаюць нікацін.
Для найбольш эфектыўнай працы міністэрства прапануе размяшчаць тэматычныя інфармацыйна-адукацыйныя матэрыялы на сайтах і стэндах арганізацый, наладзіць на іх тэрыторыі трансляцыю відэаролікаў, а таксама мерапрыемствы з выкарыстаннем тэлекамунікацыйных сродкаў - вебінары, відэачаты і г.д.
Арганізатарам антытытунёвай кампаніі рэкамендавана скарыстацца разнастайнымі інфармацыйнымі матэрыяламі (улёткі, буклеты, памяткі, брашуры, відэаролікі, рэкамендацыі і інш.), якія размешчаны на сайтах Міністэрства аховы здароўя: minzdrav.gov.by і Дзяржаўнай установы «Рэспубліканскі Цэнтр гігіены, эпідэміялогіі і грамадскага здароўя» - www.rcheph.by.
Ю. А. Бяствіцкі, otsz.by
Усе навіны