Ахова працы як аснова будучыні працоўнай сферы
Пра тое, як будуць вырашацца пытанні аховы працы ў будучыні, якія рызыкі і выклікі нясе сучасная вытворчасць, ішла размова на прэс-канферэнцыі, прысвечанай Сусветнаму дню аховы працы.
Як удакладніў намеснік Міністра працы і сацыяльнай абароны Рэспублікі Беларусь І. Р. Старавойтаў, Сусветны дзень аховы працы быў заснаваны па ініцыятыве прафсаюзаў як даніна памяці тым, хто загінуў на вытворчасці. Пачынанне падтрымала Міжнародная арганізацыя працы (МАП), і з тых часоў 28 красавіка адзначаецца Сусветны дзень аховы працы.
Кожны год МАП дэталёва вывучае пэўную тэму ў сферы аховы працы і рыхтуе даклад, які дазваляе ацаніць існуючы стан спраў. У прыватнасці, у апошнія гады былі разгледжаны пытанні распрацоўкі сістэм кіравання аховай працы, аховы працы моладзі, «зялёнай эканомікі». У 2019 г., да свайго 100-гадовага юбілею, МАП падрыхтавала даклад «Ахова працы – аснова будучай сферы працы». У ім ідзе гаворка пра гісторыю стварэння арганізацыі, даецца прагноз на тое, што чакае сферу аховы працы ў будучыні.
У цэлым за мінулае стагоддзе МАП прынята 400 розных нарматыўных прававых дакументаў, 40 з якіх прысвечана непасрэдна пытанням аховы працы. Кампанія па прасоўванні нормаў МАП разгорнута ва ўсім свеце.
Па словах І. Р. Старавойтава, наша краіна – актыўны ўдзельнік МАП. З 1954 г. Беларусь ратыфікавала 49 канвенцый, у тым ліку 14 – па ахове працы. Адна з апошніх – Канвенцыя № 167 “Аб бяспецы і гігіене працы ў будаўніцтве”. А ў Генеральным пагадненні паміж Урадам нашай краіны і Рэспубліканскім аб'яднаннем наймальнікаў і прафсаюзаў на 2019–2021 гг. дасягнута дамоўленасць разгледзець пытанне аб ратыфікацыі Канвенцыі МАП № 176 “Аб бяспецы і гігіене працы на шахтах”. “Гэта важны кірунак, бо горназдабыўная прамысловасць лідзіруе па каэфіцыенце траўматызму”, – падкрэсліў І. Р. Старавойтаў.
Ён таксама зазначыу, што падыход, які ўжыла МАП пры падрыхтоўцы дакладу ў гэтым годзе, стане своеасаблівым кіраўніцтвам да дзеянняў у сферы аховы працы, а з перакладам дакладу на рускую мову усе зацікаўленыя змогуць азнаёміцца на сайце Міністэрства працы і сацыяльнай абароны Рэспублікі Беларусь.
Ю. А. Бяствіцкі, otsz.by
Пра тое, як будуць вырашацца пытанні аховы працы ў будучыні, якія рызыкі і выклікі нясе сучасная вытворчасць, ішла размова на прэс-канферэнцыі, прысвечанай Сусветнаму дню аховы працы.
Як удакладніў намеснік Міністра працы і сацыяльнай абароны Рэспублікі Беларусь І. Р. Старавойтаў, Сусветны дзень аховы працы быў заснаваны па ініцыятыве прафсаюзаў як даніна памяці тым, хто загінуў на вытворчасці. Пачынанне падтрымала Міжнародная арганізацыя працы (МАП), і з тых часоў 28 красавіка адзначаецца Сусветны дзень аховы працы.
Кожны год МАП дэталёва вывучае пэўную тэму ў сферы аховы працы і рыхтуе даклад, які дазваляе ацаніць існуючы стан спраў. У прыватнасці, у апошнія гады былі разгледжаны пытанні распрацоўкі сістэм кіравання аховай працы, аховы працы моладзі, «зялёнай эканомікі». У 2019 г., да свайго 100-гадовага юбілею, МАП падрыхтавала даклад «Ахова працы – аснова будучай сферы працы». У ім ідзе гаворка пра гісторыю стварэння арганізацыі, даецца прагноз на тое, што чакае сферу аховы працы ў будучыні.
У цэлым за мінулае стагоддзе МАП прынята 400 розных нарматыўных прававых дакументаў, 40 з якіх прысвечана непасрэдна пытанням аховы працы. Кампанія па прасоўванні нормаў МАП разгорнута ва ўсім свеце.
Па словах І. Р. Старавойтава, наша краіна – актыўны ўдзельнік МАП. З 1954 г. Беларусь ратыфікавала 49 канвенцый, у тым ліку 14 – па ахове працы. Адна з апошніх – Канвенцыя № 167 “Аб бяспецы і гігіене працы ў будаўніцтве”. А ў Генеральным пагадненні паміж Урадам нашай краіны і Рэспубліканскім аб'яднаннем наймальнікаў і прафсаюзаў на 2019–2021 гг. дасягнута дамоўленасць разгледзець пытанне аб ратыфікацыі Канвенцыі МАП № 176 “Аб бяспецы і гігіене працы на шахтах”. “Гэта важны кірунак, бо горназдабыўная прамысловасць лідзіруе па каэфіцыенце траўматызму”, – падкрэсліў І. Р. Старавойтаў.
Ён таксама зазначыу, што падыход, які ўжыла МАП пры падрыхтоўцы дакладу ў гэтым годзе, стане своеасаблівым кіраўніцтвам да дзеянняў у сферы аховы працы, а з перакладам дакладу на рускую мову усе зацікаўленыя змогуць азнаёміцца на сайце Міністэрства працы і сацыяльнай абароны Рэспублікі Беларусь.
Ю. А. Бяствіцкі, otsz.by
Усе навіны
