Адзіны дзень бяспекі

На папярэджанне надзвычайных сітуацый, правапарушэнняў, злачынстваў і аварый накіраваныя мерапрыемствы Адзінага дня бяспекі, які аб'яўлены па ўсёй краіне з 1 па 10 верасня.

Як паведамляецца на сайце МНС Рэспублікі Беларусь, у ходзе акцыі будзе праведзена праверка элементаў сістэмы абвесткі МНС, пройдуць іншыя прафілактычныя мерапрыемствы, якія так ці інакш закрануць кожнага.

Адна з задач Адзінага дня бяспекі – фарміраванне ў грамадстве адпаведнай культуры паводзін, адукацыйна-выхаваўчая праца з падрастаючым пакаленнем і прапаганда бяспечных умоў жыццядзейнасці. У гэты перыяд адбудуцца вучэнні і трэніроўкі па рэагаванні на надзвычайныя сітуацыі прыроднага і тэхнагеннага характару на небяспечных аб'ектах, а таксама аб'ектах з масавым знаходжаннем людзей. Запланаваныя праверкі сістэмы абвесткі, у тым ліку праз SMS, трансляцыя паведамленняў ад МНС у тэлевізійным і радыёэфіры. Розныя ўстановы адпрацуюць бяспечную эвакуацыю.

Акрамя Генпракуратуры, МНС, МУС, Мінэнерга, Мінпрацы і сацабароны, Міністэрства аховы здароўя, Мінадукацыі, Мінжылкамгаса, у акцыі ўдзельнічаюць Федэрацыя прафсаюзаў Беларусі, РДГА “Беларускае добраахвотнае пажарнае таварыства”, Беларускае таварыства Чырвонага Крыжа і іншыя грамадскія арганізацыі.

Ю. А. Бяствіцкі, otsz.by

Усе навіны